"Ливерпуль"нинг таниқли собиқ футболчиси Жейми Каррагернинг фикрича, "Арсенал"нинг асосий ўйинларида Микель Артета учун Виктор Дьёкереш устувор вариант эмас.
Швециялик форвард "канонирлар" сафида биринчи турда "Манчестер Юнайтед"га қарши баҳсда (1:0) дебют қилди, аммо ўзининг кучли томонларини кўрсата олмади. Кўпчиликнинг фикрича, лондонликларнинг янги аъзоси "Олд Траффорд"даги ўйинни очиқчасига барбод қилди.
"Тўғрисини айтсам, муҳим ўйинларда Артета ҳужумда Хаверц вариантига қайтади, деб ўйлайман. Мен Дьёкереш қандай ўйнаётганини кўряпман ва у "Лидс"га қарши ўйинда ўзини кўрсатиши мумкин, аммо "Ливерпуль"га қарши [учинчи турда] Хаверц эмас, у майдонга тушса, жуда ҳайрон бўламан," - дея Каррагернинг сўзларини келтиради инглиз ОАВ.
