"Тулуза" клуби марказий ҳимоячиси Жейде Канво фаолиятини "Астон Вилла"да давом эттириши мумкин.
Журналист Фабрис Хокинс хабарига кўра, "Астон Вилла" аллақачон 19 ёшли футболчининг трансфери бўйича "Тулуза"га биринчи таклифни берган, бироқ француз жамоаси рад жавобини берган. Таъкидланишича, Бирмингем жамоаси янги таклифга тайёрланмоқда, "Тулуза"нинг ўзи эса Канвонинг сотувидан 20 миллион евро ишлаб олмоқчи.
"Тулуза"нинг асосий жамоаси сафида Канво 21 та ўйин ўтказиб, самарали ҳаракат қилмади.
Футболчининг клуб билан шартномаси 2029 йилгача мўлжалланган. Transfermarkt экспертлари ҳимоячининг нархини тўрт миллион еврога баҳоламоқда.













