"Барселона" Ла Лига шанба кунги ўйинида "Леванте" устидан иродали ғалабани илиб кетди (3:2). Амалдаги чемпионлар биринчи бўлимдан сўнг кутилмаганда элита дивизионининг янги клубига имкониятни бой бераётган эди(0:2), аммо иккинчи бўлимда ўйинни ўзгартириш ва учта гол уриш учун ўзларида куч топа олишди.

"Танаффусда Флик бир нечта тактик ўзгаришларни амалга оширди, чунки майдондаги жойлашувимиз кўнгилдагидек эмасди, аммо энг муҳими, у бизни характер, ғалаба руҳиятини кўрсатишга чақирди. Биз ўзимизга ишонган ҳолда чиқдик ва самарали ҳаракат қилдик," - дейди Торрес.

"Барселона" Испания чемпионатининг 2-туридан кейин 6 очко жамғарди.