Микель Артета Эберечи Эзе трансфер масаласида шахсан у билан боғланганини тасдиқлади.
Кеча "Арсенал" ҳужумчини "Кристал Пэлас"дан 60+7,5 миллион фунт стерлингга сотиб олди. Эберечи учун курашда клуб асосий рақиби "Тоттенхэм"ни ортда қолдирди.
The Athletic нашрининг хабар беришича, Эзе "шпорлар"га розилик беришдан аввал Артета билан боғланган. "Арсенал" бош мураббийи бу маълумот тўғрими, деган саволга жавоб берди.
"Бу унинг "Арсенал"га ўтишни қанчалик кучли хоҳлаганини кўрсатади.
Баъзида вазият бутунлай бошқача бўлади, чунки футболчилар ўз карьералари билан боғлиқ қарорлар қабул қилишлари керак ва иложи борича очиқ ва самимий бўлишни исташади, лекин у биз билан бўлганидан хурсандман.
Бу унинг ўзи ва бутун оиласи учун қанчалик муҳимлигини кўриб турибман", деди Артета.
