"Олтин тўп" соҳиби Карим Бензема тўп тепаётган Саудия Арабистонининг "Ал-Иттиҳод" клуби францияликнинг собиқ жамоадоши билан шартнома имзолашга қизиқиш билдираётгани маълум бўлди.
Саудияликлар ёздаёқ "Манчестер Юнайтед"нинг бразилиялик таянч ярим ҳимоячиси Каземиро трансферини амалга оширмоқчи. "Қизил иблислар" катта даромад олиш учун хавбекни сотиш вариантини кўриб чиқиши мумкин.
Эслатиб ўтамиз, Каземиро ва Бензема Мадриднинг "Реал" клубида бирга ўйнашган ва жамоа билан биргаликда Испанияда ҳам, Европа майдонларида ҳам кўплаб совринларни қўлга киритишган.
