«Марсель» клуби «Реал» яримҳимоячиси Дани Себальосга қизиқиш билдирди. Инсайдер Фабрицио Романо маълумотига кўра, францияликлар «қаймоқранглилар» билан музокара бошлаб юборган.

Шартномани амалга ошириш осон эмас. «Марсель» Себальосни сотиб олиш ҳуқуқи билан ижарага олишга тайёр. Испаниялик футболчи «Велодром»да жамоанинг марказий чизиғида етакчи ўйинчига айланиши кутилмоқда.

Жорий мавсумда Себальос майдонда бор-йўғи 4 дақиқа тўп сурди. Ўтган мавсумда эса у барча мусобақаларда 45 та ўйин ўтказиб, 2 та голли узатма қайд этган. Севильянинг «Бетис» клуби тарбияланувчисининг «Реал» билан тузган шартномаси 2027 йил ёзига қадар амал қилади.