Саудия Арабистонининг "Ал-Иттиҳод" клуби ҳамон таркибини ҳужумкор ярим ҳимоячи билан кучайтиришдан умид узмаяпти.
18 ёшли португалиялик Родриго Мора анчадан буён Яқин Шарқ клубида қизиқиш уйғотмоқда ва футболчининг ўзи ҳам Саудия Про-лигасида ўйнашдан бош тортмаяпти. Аммо бунга футболчига тегишли бўлган "Порту" халақит бермоқда.
"Аждарлар" аллақачон 63 миллион евро + келажакдаги қайта сотувнинг 10 фоизи бўлган таклифни рад этиб, 70 миллион евролик соф нархни белгилаган. "Ал-Иттиҳод" Мора учун португалларни қониқтириши керак бўлган янги таклиф тайёрламоқда.
У янги мавсумда барча мусобақаларда 5 та ўйинда майдонга тушиб, 1 та гол урган. Transfermarkt портали маълумотларига кўра, унинг нархи 40 миллион еврони ташкил этади.
