Андрей Лунин "Фенербахче" эътиборига тушди.
AS нашрининг ёзишича, истанбулликлар бош мураббийи Жозе Моуриньо Доминик Ливаковичдан норози, дарвозабоннинг ўзи ҳам Туркиядаги ҳолатидан хурсанд эмас. Унинг "Ноттингем Форест"га ижара асосида ўтиши бўйича музокаралар олиб борилмоқда.
Шу билан бирга, Моуриньо ўз жамоасида Лунинни кўришни истамоқда. "Фенербахче" аллақачон "Реал"га эҳтимолий трансфер шартларини аниқлаш учун сўров юборган.
Қайд этилишича, украиналик футболчига "Галатасарой" ҳам қизиқиш билдирмоқда, аммо унга асосий мақсад сифатида қаралмаяпти.
