Рубен Аморим "Гримсби Таун"га ютқазгандан сўнг ўз фикрларини билдирди.

"Манчестер Юнайтед" Англия Лига Кубогининг 2-босқичида 4-дивизион жамоасига мағлуб бўлди (2:2, пенальтилар сериясида 11:12).

"Мен ҳайратдаман, чунки ҳозирда клуб кўплаб ўзгаришларни амалга оширмоқда.

Биз турли вазиятларга қарши курашишга ҳаракат қиляпмиз, аммо бундай пайтларда ўзимизни кўрсатишимиз лозим.

Агар биз ўзимизни намоён эта олмасак, ниманидир ўзгартириш керакдек туюлади. Бироқ 22 та футболчини яна алмаштириб бўлмайди.

Айтмоқчиманки, мухлислар олдида жуда уятдаман. Улар барча мағлубиятларга қарамай, мени доимо қўллаб-қувватлаб келишмоқда. Узр сўрашдан бошқа айтадиган гапим йўқ," - деди "Манчестер Юнайтед" бош мураббийи Рубен Аморим.