Луиш Фигу Винисиуснинг "Реал" асосий таркибида йўқлиги ҳақида фикр билдирди.
Мадридликларнинг бразилиялик вингери Ла Лига доирасида "Реал Овьедо"га қарши ўйинда (3:0) асосий таркибдан четда қолиб, захирадан майдонга тушди ва гол урди.
"Билмадим, бу огоҳлантириш бўлганми ёки йўқ, лекин, менимча, бу, биринчи навбатда, футболчини жазолаш эмас, балки рақиб жамоасига асосланган қарор эди.
Бош мураббий ҳар доим бошқа жамоага қарши ўйинда ўзининг тактик режаси ва ғоясидан келиб чиқиб қарор қабул қилади.
Бу вазиятда Винисиус захирадан ўйинга қўшилди. Футболчи ҳар доим ўйнашни ва асосий таркибда майдонга тушишни истайди," - деди "Реал"нинг собиқ ҳужумкор ярим ҳимоячиси Луиш Фигу.
