Шанба оқшомида "Челси" Алехандро Гарначони ўз сафига қўшиб олганини эълон қилди.
Аргентиналик вингер Лондон клуби билан 2032 йилнинг ярмигача мўлжалланган меҳнат шартномасини имзолади. Трансфер ёпилгач, 21 ёшли Гарначо бу борада изоҳ берди.
"Мен ва оилам учун бундай ажойиб клубга қўшилиш ажойиб лаҳза. Ишнинг бошланишини сабрсизлик билан кутмоқдаман. Клублар ўртасидаги жаҳон чемпионатини томоша қилдим ва жаҳон чемпионлари сафига қўшиламан - бу ўзгача. Бизда дунёдаги энг яхши жамоа бор! Бу ерда бўлиш - ақл бовар қилмайди ва мен жуда бахтлиман," - деб Гарначонинг сўзларини келтиради "Челси" сайти.
