"Челси" марказий ҳимоячиси Аксель Дисаси Премьер-лиганинг бошқа бир клуби - "Кристал Пэлас"га ўтиши мумкин. "Бургутлар" "Ливерпуль" ўз сафига қўшиб олмоқчи бўлган Марк Гехи билан хайрлашишга тайёрланмоқда. "Пэлас" бош мураббийи Оливер Гласнер клуб ўз етакчисига ўринбосар топишга улгурган тақдирдагина уни қўйиб юборишини тасдиқлади. Sky Sports хабарига кўра, Гехи ўрнини "Челси" сотувга қўйган Дисаси эгаллаши мумкин.
27 ёшли "аристократлар" футболчисининг нархи машҳур Transfermarkt портали томонидан 22 млн еврога баҳоланмоқда. Ўтган мавсумнинг иккинчи ярмида француз ижара асосида "Астон Вилла" шарафини ҳимоя қилганди.













