"Челси" ҳужумчиси Раҳим Стерлинг ёзги трансферлар ойнасининг сўнгги соатларида жамоасини ўзгартириши мумкин. Нуфузли инсайдер Фабрицио Романонинг ижтимоий тармоқларда ёзишича, "Фулхэм" 30 ёшли Стерлинг бўйича музокараларни қайта бошлаган.
Стерлинг - "Фулхэм" учун ҳужум позициясини кучайтириш вариантларидан бири. Шунингдек, лондонликлар "Шахтёр"дан Кевин бўйича музокаралар олиб бормоқда, аммо футболчи билан ҳали келишувга эришилмаган. "Милан" футболчиси Самуэль Чуквуэзе бўйича ҳам музокаралар олиб борилмоқда.
Раҳим Стерлинг ўтган мавсумда "Арсенал"да ижарада ўйнаган, шундан сўнг "Челси"га қайтганди. Шу билан бирга, Энцо Мареска футболчини режаларига киритмаган.













