Туриннинг "Ювентус" клуби Бельгия терма жамоаси ва Германиянинг "РБ Лейпциг" клуби форварди Луи Опенда билан жамоанинг ҳужум чизиғини кучайтирди. "Кекса синьора" матбуот хизматининг маълум қилишича, 25 ёшли футболчи мавсум охиригача ижарага ўтган. Меҳнат шартномасида ҳужумчини 42 миллион еврога сотиб олиш банди кўрсатилган.

Шунингдек, Италия топ-клуби сафига Франциянинг "Лилль" клуби хавбеки Эдон Жегрова ҳам қўшилди. 26 ёшли вингернинг трансфери учун "Ювентус" 15,5 миллион евро тўлаган.

Италия чемпионатида ўтказилган икки турдан сўнг "кекса синьора" олти очко тўплади ва турнир жадвалида иккинчи ўринни эгаллаб турибди.