Яқинда марказий ҳимоячи Мануэль Аканжи "Интер" футболчисига айланди. Италия клубига ўтиш ҳақида футболчининг ўзи фикр билдирди.
"Мен учун "Интер" Италиянинг энг катта клуби ва дунёдаги энг яхшиларидан бири, у буни сўнгги йилларда исботлади. Бу танловни амалга ошириш мен учун жуда осон кечди," - деди Аканжи.
Швейцарияликнинг қўшимча қилишича, "нерадзуррилар" кетма-кет иккинчи марта Чемпионлар Лигаси финалига чиқишга қодир, аммо бу сафар чемпионликни қўлга киритиш керак.
Аканжи "Манчестер Сити"дан ижара асосида "Интер" сафига қўшилди. У жорий мавсум якунига қадар Италия А Сериясида тўп суради.
