Каталониянинг "Барселона" клуби собиқ ҳимоячиси Иньиго Мартинес "кўк-анорранглилар" устози Ханс-Дитер Флик унинг Саудия Арабистонига трансферига қандай муносабат билдиргани ҳақида гапирди. Футболчи "Ан-Наср"га ўтди.
"Мен Флик билан суҳбатлашдим, ҳаммасини муҳокама қилдик. У шок ҳолатида эди. Унга рад этиб бўлмайдиган таклиф тушганини айтдим. Ўтган мавсум фаолиятимдаги энг яхши мавсум бўлди, ўйлайманки, яна бундай ўйнай олмайман", - дея футболчининг сўзларини келтиради AS.
34 ёшли испаниялик футболчи ўтган ёзда "Ан-Наср"га кўчиб ўтган эди. Мартинес саудияликлар билан 2026 йилнинг июнь ойи охиригача мўлжалланган қисқа муддатли меҳнат шартномасини имзолади.













