Пайшанбадан жумага ўтар кечаси Аргентина ва Венесуэла терма жамоалари 2026 йилги жаҳон чемпионати саралашида ўйнайди. Ўйин юзасидан Венесуэла терма жамоаси бош мураббийи Фернандо Батиста изоҳ берди.
"Дунёнинг энг яхши жамоаси билан тўқнаш келишимиз керак. Бу Мессининг Аргентинадаги сўнгги расмий ўйини бўлиши мумкинлигини биламиз. Аммо биз уларнинг мураббийи кучини ҳам кўрамиз, у жамоани алоҳида ўйинчиларсиз ҳам ишлашга мажбур қилади.
Менинг ғоям - доим рақиб дарвозасига ҳужум ҳақида ўйлаш. Агар сиз фақат ҳимоядан ўйнасангиз, узоқ муддатли истиқболда ҳаммаси нотўғри бўлади. Қанча мураббий Мессини "ўчириб қўйишга" муваффақ бўлганини билмайман. Ҳаракат қиламиз. Мен яхши маънода Месси байрамини бузиш учун бу ердаман," - деди Батиста журналистларга.
Аргентина - Венесуэла учрашуви 5 сентябрь куни Москва вақти билан 02:30 да бошланади.
