Беньямин Шешко Бундеслигага қараганда АПЛ даражаси юқорироқ эканини қайд этди.
22 ёшли ҳужумчи ёзда "Лейпциг"дан "Манчестер Юнайтед"га ўтган эди.
"Ўйинлар даражаси, албатта, анча юқори, футболчилар ва жамоадошлар ҳам юқори савияда. Ахир Англия футболи дунёдаги энг яхшиларидан бири-ку.
Аммо мен бўлажак мавсумни интиқлик билан кутмоқдаман, чунки ҳар бир машғулотда мен тобора яхшироқ ва тезроқ бўлиб бормоқдаман, шунингдек, кун сайин футбол менталитети нуқтаи назаридан олдинга силжиб бормоқдаман.
Англияда ўйнашни хоҳлагандим ва бахтимга, истагим амалга ошди," - дейди Шешко.
