Ёзги трансфер ойнасида ҳужумчи Жоау Феликс "Ан-Наср"га ўтди. Футболчи Ар-Риёдга ўтишида Криштиану Роналдунинг таъсири ҳақида гапирди.

"Роналду бу ерда нимадир қураётгани ва лойиҳа ривожига ҳисса қўшаётгани аниқ. У мен билан бу ерга кўчиб ўтиш ҳақида биринчилардан бўлиб гаплашган. У мен билан гаплашганда, мен ажойиб лаҳза ва ажойиб туйғуни бошдан кечирдим. Бу менга ўзимни ишонтиришга ёрдам берди", - деди Феликс Al Nassr Zone билан суҳбатда.

Саудия Арабистони чемпионатининг 1-турида "Ан-Наср" жамоаси "Ал-Таавон"ни қабул қилиб, 5:0 ҳисобида зафар қучди. Жоау Феликс хет-трик қайд этган бўлса, Криштиану Роналду ва Кингсли Коман биттадан гол урди.