Германия терма жамоаси бош мураббийи Юлиан Нагельсманн жамоанинг 2026 йилги жаҳон чемпионатида ғолиб чиқишдек катта мақсади борлигини айтди.
"Мақсад қўйиш жуда яхши. Жамоа ёки ҳатто алоҳида шахс ҳам интилиш ва курашишга арзийдиган мақсадсиз яшаши қийин. Ўйлайманки, барчамиз жаҳон чемпионатида ғолиб чиқишни мақсад қилганимиз жуда яхши. Жамоанинг ҳар бир футболчиси шундай фикрда эканига 100 фоиз аминман, акс ҳолда у бу ерда бўлмасди," - деди Нагельсманн матбуот анжуманида.













