Ҳимоячи Эрик Дайер Англия терма жамоасига чақирилмаганидан афсусланиб гапирди. У сўнгги марта ушбу жамоа сафида 3 йил олдин "Тоттенхэм" номидан майдонга тушган эди.
"Англия таркибига кира олмаганимда ҳар сафар юрагим оғрийди. Сўнгги икки йил давомида "Бавария" сафида деярли барча ўйинларда иштирок этдим, Бундеслигада ғолиб бўлдим, Чемпионлар Лигасида чорак финал ва ярим финалгача етиб бордим. Таркибга кириш учун қўлимдан келган ҳамма нарсани қилдим деб ўйлайман. Аммо бу шунчаки содир бўлмади", - деб футболчининг сўзларини келтиради The Telegraph.
Бу мавсумни Дайер Франциянинг "Монако" жамоасида бошлади. У бу жамоага эркин агент сифатида ўтди. Ўтган 3 та ўйинда футболчи 1 та гол урди.
