Франция терма жамоаси бош мураббийи Дидье Дешам жароҳат олган вингер Усмон Дембеленинг ҳолати ҳақида гапирди.
"Уч ранглилар" бош мураббийи 28 ёшли юлдузни Украинага қарши ўйин танаффусида (2:0) майдонга туширди ва баҳс охирида алмаштиришга мажбур бўлди.
"Усмоннинг тайёргарлиги шубҳа туғдирса, уни майдонга туширмаган бўлардим. Қолаверса, бу сафар бошқа сонини жароҳатлаб олган. Ҳеч қандай баҳона йўқ эди, у ўзини яхши ҳис қилар ва ўйнашни хоҳларди. Афсуски, шундай бўлди, аммо бошқа ҳар қандай футболчи билан ҳам шундай бўлиши мумкин эди," - дея Дешамнинг сўзларини келтиради журналист Лоик Танзи.
