Франция терма жамоаси ва "ПСЖ" ҳужумчиси Усмон Дембеле жароҳат характери бўйича текширувдан ўтди, дея хабар бермоқда терма жамоа матбуот хизмати.
28 ёшли футболчи жума куни ЖЧ-2026 саралашидан ўрин олган Украинага (2:0) қарши ўйинда жароҳат олди.
Қайд этилишича, Дембелега ўнг тизза ости пайининг ёрилиши ташхиси қўйилган. Шунингдек, Франция терма жамоаси вингер Дезире Дуэнинг ҳам болдиридаги уч бошли мушак ёрилганини маълум қилди. Шу муносабат билан "Ан-Наср" форварди Кингсли Коман миллий жамоага чақирув олди.
Аввалроқ журналист Фабрис Хоукинс Дембеленинг жароҳати туфайли олти ҳафтага яқин майдонга туша олмаслигини маълум қилганди.













