"Манчестер Юнайтед" январда майдон марказини кучайтиришга уриниб кўради. Инсайдер Фабрицио Романонинг таъкидлашича, "қизил иблислар" раҳбарияти қишки трансферлар даврида янги ярим ҳимоячини ўз сафига қўшиб олмоқчи, бироқ ҳозирча клуб қандай харажатларга тайёр экани аниқ эмас. Манкунианликлар Карлос Балеба номзодига қайтиши ҳам эҳтимолдан холи эмас, аммо "Брайтон" уни сотишни истамагани учун 21 ёшли камерунлик футболчини қўлга киритиш жуда қийин бўлади.
Ўтган ёзда "Манчестер Юнайтед" 250 млн евродан кўпроққа янги футболчилап харид қилган бўлса-да, ярим ҳимоя чизиғини мустаҳкамлай олмади. Рубен Аморим жамоаси уч турдан сўнг Англия чемпионати турнир жадвалида тўққизинчи ўринни эгаллаб турибди.
