"Manchester Yunayted" yanvarda maydon markazini kuchaytirishga urinib ko‘radi. Insayder Fabrisio Romanoning ta’kidlashicha, "qizil iblislar" rahbariyati qishki transferlar davrida yangi yarim himoyachini o‘z safiga qo‘shib olmoqchi, biroq hozircha klub qanday xarajatlarga tayyor ekani aniq emas. Mankunianliklar Karlos Baleba nomzodiga qaytishi ham ehtimoldan xoli emas, ammo "Brayton" uni sotishni istamagani uchun 21 yoshli kamerunlik futbolchini qo‘lga kiritish juda qiyin bo‘ladi.
O‘tgan yozda "Manchester Yunayted" 250 mln yevrodan ko‘proqqa yangi futbolchilap xarid qilgan bo‘lsa-da, yarim himoya chizig‘ini mustahkamlay olmadi. Ruben Amorim jamoasi uch turdan so‘ng Angliya chempionati turnir jadvalida to‘qqizinchi o‘rinni egallab turibdi.
