"Лестер"нинг собиқ бош мураббийи Стив Купер "Брондбю"ни бошқаришга киришди. Бу ҳақда Дания клуби расмий сайти хабар берди.

Мутахассис ушбу жамоа билан 2028 йилнинг ёзигача мўлжалланган меҳнат шартномасини имзолаган.

"Стив ёшлик ва тажриба, қараш ва индивидуалликнинг ноёб уйғунлиги. У биз каби клубни қўллаб-қувватлашга қодир ва индивидуал ўйинчиларни ҳам, бутун жамоани ҳам янги босқичга олиб чиқади.

Биз улкан спорт мақсадларига эришиш ва энг муҳими, "Брондбю" стадиони деворларида ғалаба қозониш маданиятини яратиш учун ривожланишимизни тезлаштирмоқчимиз. Бунинг учун Стив шубҳасиз эга бўлган менталитет, етакчилик фазилатлари ва характерини талаб қилади. Шунинг учун у бу чақирувни қабул қилишга рози бўлганидан жуда мамнунмиз", - деди директор Бенжамин Шмедес клуб расмий сайтига.