Мюнхеннинг "Бавария" клуби дарвозабони Мануэль Нойер Германия терма жамоасига қайтиши мумкинлиги ҳақида фикр билдирди.
Аввалроқ, 39 ёшли посбон терма жамоадаги фаолиятини якунлаган эди.
"Биринчидан, ҳеч ким мендан қайтишимни сўрамади. Мен онгли равишда терма жамоада бошқа ўйнамасликка қарор қилдим. Шунинг учун мен бу вариантни кўриб чиқмаяпман", - дея Нойернинг сўзларини келтиради SID.
Футболчи Германия терма жамоасида жуда яхши вақт ўтказганини ва ўз майдонидаги Европа чемпионати бу даврнинг ёқимли якуни бўлганини тан олди.
Миллий терма жамоа сафида Нойер 124 та ўйинда майдонга тушиб, 51 марта ўз дарвозаси дахлсизлигини сақлаб қолган.
