"Челси" марказий ярим ҳимоячиси Дариу Эссугу бир муддат лондонликларга ёрдам бера олмайди. Бу ҳақда The Athletic хабар бермоқда.
Хавбек Португалия ёшлар терма жамоаси сафида сонидан жароҳат олди. Манбага кўра, Эссугу камида уч ойдан кейин майдонга қайтиши мумкин.
Ярим ҳимоячи ёзда "Челси"га кўчиб ўтди. У "Спортинг"дан 22 млн еврога сотиб олинган. Инглиз клуби либосида Эссугу клублар ўртасидаги жаҳон чемпионати доирасида учта ўйинда майдонга тушиб, самарали ҳаракатлари билан ёдда қолмади.
"Челси" АПЛ 3-туридан кейин 7 очко билан мусобақа жадвалида 2-ўринда бормоқда.
