Мадриднинг "Реал" клуби ҳужумчиси Килиан Мбаппе совринни қабул қилиб олгач, ўз фикрлари билан ўртоқлашди. Француз "қаймоқранглилар" мухлислари томонидан август ойи якунлари бўйича жамоанинг энг яхши футболчиси деб топилди.
"Менга овоз берган барча мухлисларга катта раҳмат айтмоқчиман. Мавсумни шундай бошлаш ажойиб: учта ўйинда учта ғалаба, урилган голлар ва ўйиндан кундалик қувонч," - дея 26 ёшли форварднинг сўзларини келтиради Madrid Universal.
Килиан Мбаппе Ла Лиганинг жорий мавсумида "Реал"нинг учта ўйинида учта гол урди.













