«Ноттингем Форест»нинг янги бош мураббийи Анге Постекоглу Премьер-лига доирасидаги «Арсенал»га қарши баҳс олдидан интервью берди. Бу учрашув австралиялик мутахассис учун «ўрмончилар» бошқарувидаги илк ўйин бўлади.

"Қайтганимдан хурсандман, чунки ишсиз ўтириш мен учун ғайриоддий эди. Ёз узоқ, лекин ажойиб бўлди, чунки оила яқин эди. Мен учун бу ажойиб имконият. Жамоа яхши ҳолатда, еврокубоклардамиз. Розилик бериш учун кўп вақт керак бўлмади, чунки мен буни ажойиб имконият деб билдим.

Кийиниш хонасида жамоа жуда аҳил эканлигини ҳис қилдим. Мен кўришни истаган футболни ўйнай олмайдиган ҳеч кимни кўрмаяпман. Мен ўз изимни қолдиришни ва жамоага таъсир ўтказишни истайман," - деди Постекоглу TNT Sports нашрига.