"Челси" бош мураббийи Энцо Мареска АПЛ 4-туридан ўрин олган "Брентфорд"га (2:2) қарши ўйинни сарҳисоб қилди.

"Ўйин оғир бўлишини билардик. Биринчи бўлимда ечимлар топиш, бўш ҳудудларни топиш биз учун қийин бўлди, чунки улар жуда яхши ҳимояланди. Иккинчи бўлимда анча яхши ўйнадик, деб ўйлайман. Учрашув охирида гол ўтказиб юбориш алам қилади, лекин бундай ҳолатлар бўлиб туради. Балки бу вазиятдан яхшироқ фойдаланишимиз мумкин эди, аммо якунда гол ўтказиб юбордик ва икки очко йўқотдик. Биз ҳар бир ўйинда ғалаба қозонишга ҳаракат қиламиз, лекин биламизки, ҳамма ўйинда ғалаба қозона олмаймиз. Сўнгги дақиқаларда гол ўтказиб юборганимиз ачинарли," - дея Маресканинг сўзларини келтиради BBC Sport.