"Манчестер Юнайтед" бош мураббийи Рубен Аморим Кобби Майнуга ўйин амалиёти етишмаслиги ҳақидаги саволга жавоб берди.
20 ёшли ярим ҳимоячи жорий мавсумда фақат бир марта - "Гримсби" билан Лига Кубогида муваффақиятсиз ўйинда майдонга тушди. Премьер-лигада англиялик футболчи "Бёрнли"га қарши ўйинда танаффусда захирадан майдонга тушиб, фақат бир бўлим ўйнади.
"Баъзида шунчаки омади келмайди. Бруну - жамоанинг сўнгги йиллардаги энг яхши футболчиси ва у худди шу позицияда ўйнамоқда. Кобби Фернандеш, Каземиро ва Угарте билан рақобатда ғалаба қозониши керак, улар ҳам жуда яхши. Мен танлашим керак. Ҳаммаси ўйинга, аниқ рақибга, баъзан стандартларга ҳам боғлиқ. Таркиб танлашда ҳар бир деталь муҳим аҳамиятга эга," - дея Аморимнинг сўзларини келтиради United Stand.
