"Барселона"нинг польшалик ҳужумчиси Роберт Левандовски ёш жамоадоши Ламин Ямал ҳақидаги саволга жавоб қайтарди ва истеъдодли испаниялик футболчига маслаҳат берди.
"Мен уни биринчи машғулотда кўрганман, Ламин 15 ёшда эди. Бу мавсумнинг охири эди. У тажрибали чап қанот ҳимоячисига қарши ўйнади ва унга қарши хоҳлаганини қилди.
Мен кўплаб яхши ўйинчиларни кўрдим, аммо уларга вақт керак эди. Ламин билан мен вақт талаб қилмайдиган нарсани кўрдим. Мен бундай ёшда бундай истеъдодни ҳеч қачон кўрмаганман", деди Левандовски.
Эслатиб ўтамиз, Ламин каталонияликлар сафида 15 ёшида дебют қилган.
