"Барселона" вингери Рафинья Диас Ла Лига доирасидаги "Валенсия"га қарши ўйин қаҳрамонларидан бирига айланди. Бразилиялик футболчи иккинчи бўлим бошланишидан олдин захирадан майдонга тушди ва 53-дақиқадаёқ дарвозани ишғол қилиб, Каталония грандининг иккинчи голини урди, 66-дақиқада эса дубль қайд этди. Хабарларга кўра, Рафинья Европанинг бешта етакчи лигалари жамоасида захирадан майдонга тушганидан кейин фаолиятида илк бор иккита гол урди.

28 ёшли футболчи Ла Лиганинг жорий мавсумида 4 ўйинда 3 та гол ва 1 та ассистни ўз ҳисобига ёздириб қўйган. "Кўк-анорранглилар" сафига футболчи 2022 йилнинг ёзида Англиянинг "Лидс" клубидан кўчиб ўтганди.