"Барселона"нинг уч футболчиси 8 йил ичида биринчи марта Ла Лига ўйинида дубль қайд этди.
Якшанба куни "Валенсия"га қарши ўйинда (6:0) Фермин Лопес, Рафинья ва Роберт Левандовски 2 тадан гол урди.
Охирги марта "блауграна" бундай натижага 2017 йилнинг апрелида эришганди - "Осасуна"га қарши ўйинда (7:1) Андре Гомеш, Лионель Месси ва Пако Алькасер дубль қайд этишганди.
Примерада сўнгги марта бундай ҳолат "Реал" билан содир бўлган - 2018 йил январида "Депортиво"га қарши ўйинда (7:1) Гарет Бэйл, Криштиану Роналду ва Начо 2 тадан гол урган.













