Ханс-Дитер Флик ўтган ҳафтада Ламин Ямалнинг жароҳати ҳақида гапирган ва Испания терма жамоасининг ҳаракатларидан норозилигини билдирганди. Флик Ямалнинг нега майдонда кўп вақт ўтказганини тушунмаяпти, чунки терма жамоада унинг соғлиғи билан боғлиқ муаммолар борлигини билишарди.

Испаниянинг Sport нашри хабарига кўра, "Барселона" ва Испания терма жамоаси тиббий штаблари ўзаро маълумот алмашган. Шундай қилиб, миллий жамоа клубга Ямалнинг оғриқли ҳис-туйғулари, шунингдек, футболчи машғулотларни ўтказиб юборгани ва ноқулайликни бартараф этиш учун укол олгани ҳақида хабар берган.

Хабарлардан бирида Испания терма жамоаси вакиллари сафга қайтиш-қайтмасликни Ямалнинг ўзига ҳавола қилишаётганини билдирганди. Бундан "Барселона"нинг кўнгли тўлмади. "Кўк-анорранглилар" қарорни ҳали жисмоний имкониятлари чегарасини тўлиқ англаб етмаган 18 ёшли футболчи эмас, балки тажрибали шифокорлар қабул қилиши керак, деб ҳисобламоқда.