Душанба куни "Реал" машғулотлари мутахассисларнинг допингга режали таҳлил олиш учун клуб қароргоҳига ташрифи туфайли кечроқ бошланди. Бу борада Мадрид жамоаси бош мураббийи Хаби Алонсо изоҳ берди.
"Булар биз аралаша олмайдиган нарсалар. Ла Лига протоколлари бор. Бу бугун содир бўлди, холос. Машғулотнинг бошланиши бироз кечикди. Шу холос. Биз буни назорат қила олмаймиз," - деди Алонсо матбуот анжуманида.
Айни дамда Хаби Алонсо футболчиларни Чемпионлар лигаси 1-туридан ўрин олган "Марсель"га қарши уй учрашувига тайёрламоқда. Ўйин 16 сентябрь, сешанба куни бўлиб ўтади.
