Рубен Аморим ишдан кетиши мумкин. Матбуотда "Манчестер Юнайтед"нинг португалиялик мураббийига мавсумни ёмон бошлаганидан кейин вазиятни ўнглаш учун учта ўйин берилгани ҳақида маълумотлар пайдо бўлди.
Mirror саҳифаларида "Манчестер Юнайтед" бош мураббийлигига номзодлар ҳақида хабар берилди. Агар "қизил иблислар" Аморим билан хайрлашса, унда Оливер Гласнер, Гарет Саутгейт, Марку Силва, Андони Ираола ва Маурисио Почеттино каби мутахассисларга мурожаат қилиши мумкин.
Ушбу рўйхатдаги мураббийлардан фақат биттаси ҳозирда ишсиз - бу Англия терма жамоасининг собиқ устози Гарет Саутгейт.













