"Ливерпуль" Премьер-лиганинг дастлабки тўртта турини очко йўқотмасдан ўтказди. Бу борада мерсисайдликлар бош мураббийи Арне Слот изоҳ берди.
"Мен ёздаги ўзгаришлардан сўнг кутган натижадан анча яхшироқ ҳаракат қиляпмиз. Бу ёзда нима бўлганини ҳаммамиз биламиз, аммо Премьер-лиганинг тўртта ўйинида 12 очко - ажойиб натижа. Жамоадаги шунча ўзгаришлардан кейин ҳаммаси анча ёмонроқ бўлишини кутгандим", - дея Слотнинг матбуот анжуманидаги сўзларини келтиради УEФА сайти.
Чоршанба куни Чемпионлар лигаси умумий босқичининг 1-турида "Ливерпуль" ўз майдонида "Атлетико"ни қабул қилади.
