"Манчестер Сити" ҳужумчиси Эрлинг Ҳоланд жамоа вингери Жереми Докунинг "Манчестер Юнайтед"га қарши дербидаги ўйини ҳақида фикр билдирди.
"Жереми Доку жуда яхши ўйнади, унинг ўйини ҳайратланарли эди. Бу унинг ҳақиқий даражаси ва биз унинг нималарни уддалай олишини биламиз. У шу даражада ўйнашни давом эттириши керак", - дея Холанднинг сўзларини келтиради City Report.
Англия Премьер-лигасининг тўртинчи турида "Манчестер Сити" ўз майдонида "Манчестер Юнайтед"ни қабул қилиб, 3:0 ҳисобида ғалаба қозонди. Доку 77 дақиқа майдон узра ҳаракат қилди ва иккита голли узатмани ўз ҳисобига ёзиб қўйди.













