Англиялик машҳур собиқ ҳужумчи Уэйн Руни "Манчестер Юнайтед" собиқ бош мураббийи Алекс Фергюсон билан бўлган воқеани айтиб берди.
2008 йилда манкунианликлар Англия чемпионати ва ЕЧЛда ғалаба қозониб, олтин дубль қайд этган, бироқ Англия кубогида улар "Портсмут"га мағлуб бўлиб, турнирни тарк этган. Фергюсон бу мағлубиятни жуда жиддий қабул қилган ва анча вақт футболчилар билан гаплашмай юрган.
"Ўша ўйиндан сўнг Фергюсон биз билан икки ҳафта давомида гаплашмади, у бу муваффақиятсизликни шунчалик қаттиқ қабул қилди. У ёнимиздан ўтиб кетаётганда ҳам ҳеч кимга ҳеч нарса демас эди. Биз ҳам ўзимизни ноқулай ҳис қилардик, унинг кўзига кўринмасликка ҳаракат қилардик," - дейди Руни.
Эслатиб ўтамиз, Фергюсон 2013 йилгача "Манчестер Юнайтед"ни бошқарган эди.
