Angliyalik mashhur sobiq hujumchi Ueyn Runi "Manchester Yunayted" sobiq bosh murabbiyi Aleks Fergyuson bilan bo‘lgan voqeani aytib berdi.
2008 yilda mankunianliklar Angliya chempionati va YECHLda g‘alaba qozonib, oltin dubl qayd etgan, biroq Angliya kubogida ular "Portsmut"ga mag‘lub bo‘lib, turnirni tark etgan. Fergyuson bu mag‘lubiyatni juda jiddiy qabul qilgan va ancha vaqt futbolchilar bilan gaplashmay yurgan.
"O‘sha o‘yindan so‘ng Fergyuson biz bilan ikki hafta davomida gaplashmadi, u bu muvaffaqiyatsizlikni shunchalik qattiq qabul qildi. U yonimizdan o‘tib ketayotganda ham hech kimga hech narsa demas edi. Biz ham o‘zimizni noqulay his qilardik, uning ko‘ziga ko‘rinmaslikka harakat qilardik," - deydi Runi.
Eslatib o‘tamiz, Fergyuson 2013 yilgacha "Manchester Yunayted"ni boshqargan edi.













