"Манчестер Сити" мухлислари Кевин де Брюйнега бағишланган баннер намойиш этишди.

Ёзда "шаҳарликлар"нинг собиқ ярим ҳимоячиси инглиз клубини тарк этиб, "Наполи"га ўтди.

Бугун манкунианликлар Чемпионлар лигаси умумий босқичининг 1-турида неаполликларни (0:0, танаффус) қабул қилмоқда.

Мезбонлар мухлислари трибунада қирол де Брюйненинг сурати ва "King Kev " ("Қирол Кевин") ёзуви туширилган баннерни осиб қўйишди.

Бундан ташқари, "Ман Сити" мухлислари бельгиялик футболчининг исмини айтиб ҳайқиришган. Футболчининг ўзи ўйин олдидан собиқ шериклари билан қучоқлашиб кўришган.

Де Брюйне неаполликлар сардори Жованни ди Лоренцо қизил карточка олганидан сўнг захирага олинди.