"Manchester Siti" muxlislari Kevin de Bryuynega bag‘ishlangan banner namoyish etishdi.
Yozda "shaharliklar"ning sobiq yarim himoyachisi ingliz klubini tark etib, "Napoli"ga o‘tdi.
Bugun mankunianliklar Chempionlar ligasi umumiy bosqichining 1-turida neapolliklarni (0:0, tanaffus) qabul qilmoqda.
Mezbonlar muxlislari tribunada qirol de Bryuynening surati va "King Kev " ("Qirol Kevin") yozuvi tushirilgan bannerni osib qo‘yishdi.

Bundan tashqari, "Man Siti" muxlislari belgiyalik futbolchining ismini aytib hayqirishgan. Futbolchining o‘zi o‘yin oldidan sobiq sheriklari bilan quchoqlashib ko‘rishgan.
De Bryuyne neapolliklar sardori Jovanni di Lorenso qizil kartochka olganidan so‘ng zaxiraga olindi.













