"Барселона" вингери Маркус Рэшфорд узоқ вақтдан буён илк бор Чемпионлар Лигасида гол урди. Англиялик футболчи "Ньюкасл"га қарши ўйинда дубль қайд этди: у 58-дақиқада ҳисобни очган бўлса, 67-дақиқада "кўк-анорранглилар"нинг "ҳаккалар"дан устунлигини оширди. Бу Рэшфорднинг 2021 йил октябридан бери энг нуфузли еврокубоклардаги илк голлари бўлди - ўшанда у "Манчестер Юнайтед" сафида "Аталанта" дарвозасига тўп киритганди.
Умуман олганда, Маркус Рэшфорд фаолияти давомида Чемпионлар Лигасида 38 та ўйинда 14 та гол урган. Эслатиб ўтамиз, 27 ёшли футболчи ҳамон "Манчестер Юнайтед"га тегишли, "Барса"да эса ижара асосида ўйнайди.













