Мадриднинг "Реал" клуби ярим ҳимоячиси Жуд Беллингем жорий мавсумдаги илк ўйинини ўтказишга ҳозирлик кўрмоқда.
Инглиз мавсум бошини ўтказиб юборди - у ёзда елкасида ўтказилган операциядан кейин реабилитацияга муҳтож эди. Мадрид Universal нашри тарқатган хабарга кўра бугун Ла Лиганинг "Эспаньол"га қарши кечадиган ўйинида Хаби Алонсо хавбекка дақиқаларни тақдим этади. Катта эҳтимол билан 22 ёшли футболчи захирадан майдонга тушади.
"Реал"нинг "Эспаньол"га қарши уй учрашуви Тошкент вақти билан 19:15да бошланади. Айни дамда "қаймоқранглилар" йўқотишларсиз бормоқда - 4 турдан кейин 12 очко.













