"ПСЖ" спорт директори Леонардо трансфер ойнаси ёпилгач ўз лавозимини тарк этишга қарор қилди.

"Клуб рахбарияти Леонардонинг кетишидан афсусда. Унинг жамоа учун қилган барча меҳнатлари учун миннатдорчилик билдирамиз ва унга келгуси фаолиятида омад тилаймиз", дейилади клуб баёнотида.

43 ёшли мутахассиснинг истеъфосига нима сабаб бўлгани борасида маълумот берилмаган. Аввалроқ Леонардо 2014 йилнинг 30 июнига қадар ҳакам Александр Кастро билан тортишгани учун дисквалификация қилинганди.

Воқеа Франция чемпионатининг 35-тури доирасида "Валансьен"га қарши учрашувда рўй берганди. Бразилиялик ҳакамга қарата тартиб-интизом қўмитаси регламентига номувофиқ ҳақоратли сўзларни айтган. Функционернинг ўзи кейинроқ ўз айбини инкор этганди.

Эслатиб ўтамиз, Леонардо "ПСЖ" спорт директори сифатида 2011 йил июнидан буён ишлаб келаётганди. Унгача у "Интер" ва "Милан" клубларида бош мураббий бўлиб ишлаган.