Колумбия терма жамоасининг таниқли собиқ футболчиси Фаустино Асприлья Лионель Месси ва Криштиану Роналдунинг ўринбосарлари ким эканини айтди.
Собиқ ҳужумчи жорий йилги "Олтин тўп" учун асосий даъвогарлардан бири ҳисобланган "Барселона"нинг 18 ёшли вингери Ламин Ямални эътироф этди.
"Бу йигитда ғайриоддий истеъдод бор. Унинг шу ёшда кўрсатаётган ишлари шунчаки тентаклик. Уни Месси ва Роналдунинг ўринбосари дейиш мумкин. "Барселона"га "Ньюкасл"га қарши ўйинда Ямал етишмади", - дея Асприльянинг сўзларини келтиради испан ОАВ.













