Португалия Примейраси 6-тури доирасида АВС (Вила-даз-Авиш) ва “Бенфика” (Лиссабон) жамоалари тўқнаш келишди. Жозе Моуриньо бошқарувидаги илк ўйинда “бургутлар” 3:0 ҳисобида ишончли ғалабага эришди.

Учрашувда биринчи голни Георгий Судаков 45+3-дақиқада киритди. 59-дақиқада Вангелис Павлидис пенальтини аниқ ижро этиб, жамоаси устунлигини оширди. 64-дақиқада эса Франьо Иванович ўз номини гол урганлар рўйхатига ёздирди.

Бу ғалабадан кейин “Бенфика” 13 очко тўплаб, турнир жадвалида иккинчи ўринни эгаллади. АВС эса 1 очко билан сўнгги – охирги ўринда қолмоқда.

Кейинги баҳсни “Бенфика” 23 сентябрь куни ўз майдонида Португалия чемпионатининг 1-туридан қолдирилган “Риу Аве”га қарши ўтказади.

Португалия — Примейра. 6-тур
20 сентябрь 2025 йил, шанба.
АВС (Вила-даз-Авиш) — Бенфика (Лиссабон) - 0:3
Голлар: 0:1 — Судаков (45+3'), 0:2 — Павлидис (59', пенальти), 0:3 — Иванович (64')