"Манчестер Сити" марказий ҳимоячиси Рубен Диаш бўлажак ўйиндаги рақиб - Лондоннинг "Арсенал" клуби ҳақида фикр билдирди.
Премьер-лига чемпионлигига даъвогар икки жамоанинг учрашуви якшанба куни "канонирлар" майдонида бўлиб ўтади.
"Тўғрисини айтсам, мени "Арсенал" унчалик қизиқтирмайди. Мен фақат жамоамиз ҳақида ўйлайман. Бошқаларни ким биландир рақобат олдинга ҳаракатлантираётган бўлса. Биз ўз футболимизга ишонамиз, ўзимиз, оиламиз учун ғалаба қозонишга ҳаракат қиламиз. Мен буни тўғри деб ҳисоблайман - биз эришган ютуқларга айнан шу йўл билан эришиш мумкин. Биз учун энг муҳими ўзимизнинг энг яхши версиямиз бўлишдир," - дея Диашнинг сўзларини келтиради City Report.
